- ကဗျာဆရာ့ဧည့်ခန်းထဲမှာ
သမားရိုးကျ စိတ်ရဲ့အရေးအခြစ်တွေကလွဲလို့
ဘယ်လိုဆီဆေးပန်းချီကားချပ်တွေမှမရှိဘူး၊
ဟောဒီအခန်းထဲမှာ
ဟာလာဟင်းလင်းဖြစ်နေမှုကလွဲရင်
လေကောင်းလေသန့်တွေဝင်လည်မလာဘူး၊
ဟောဒီအခန်းထဲမှာ
ပတ်ဝန်းကျင်ကပဲ့တင်လာတဲ့ ပွင့်ဖက်ကျအသံတွေကလွဲရင်
ဘယ်လိုဂီတမှလှည့်ပြန်မလာဘူး၊
ဟောဒီအခန်းထဲမှာ
ပင့်ကူအိမ်းကွန်ယက်မှကပ်နေတဲ့ခံစားချက်တွေကလွဲရင်
ဘယ်လိုအနှောင်အဖွဲ့မှရှိမနေဘူး၊
ဟောဒီအခန်းထဲမှာ
ကမ္ဘာ့စီးပွားရေးမှတ်တမ်းတွေကလွဲရင်
ဘယ်လိုပိုင်ဆိုင်မှုမှရှိမနေဘူး၊
ဟောဒီအခန်းထဲမှာ
အမည်နဲ့သတ်မှတ်ထားမှုကလွဲရင်
ဘယ်ရာသီဥတုမှ တည်တည်တန့်တန့်လာမရပ်ဘူး၊
ဟောဒီအခန်းထဲမှာ
မောင်ချောနွယ်၊အောင်ချိန့်၊သစ္စာနီတို့အလည်လာသွားကြတယ်
ပြီး ကျွန်တော်တို့ကိုယ့်နာမည်ကိုယ်ပြန်ရှာကြတယ်
ကျွန်တော်တို့အမေတွေက ငြိမ်ချမ်းရေးဆိုပြီးသွားတဲ့
မငြိမ်းချမ်းသေးတဲ့အိမ်တစ်လုံးအကြောင်းကဗျာရေးဘို့ပြောတယ်
သူငယ်ချင်းတွေက သူတို့ရဲ့လွတ်ကျသွားတဲ့တပ်မက်မှုတွေအကြောင်း
ဝတ္ထုရေးခိုင်းတယ်
ဟောဒီအခန်းထဲမှာ
ကမ္ကာမြေက သူ့ရဲ့ပူလောင်မှုတွေအကြောင်းငြီးတယ်၊
လေပြေလေညှင်းတွေက
သူတို့ရဲ့ပြည်တည်နေတဲ့အနာရောဂါတွေအကြောင်းပြောတယ်
နောက်မှ ကိုယ်ပိုင်ချွေးနံ့ နဲ့ကဗျာရေးပေးဘို့ပြောတယ်
နောက်ဆုံး
ဟောဒီအခန်းလေးထဲမှာပဲ
ကျွန်တော်
လယ်သမားတစ်ယောက်လို
ကိုယ့်ကဗျာကိုယ်ပြန်ဖတ်နေမိတော့တယ်၊
ရင့်ငြိမ်းစံ။13.11.2008
လူ့အဖြစ်ရဲ့ဧည့်ခံပွဲ
ငါတို့ဟာ
လူ့အဖြစ်ကိုအကောင်းဆုံးဧည့်ခံနိုင်ကြရဲ့လား
ငါတို့ဟာ
ငါတို့မှာမရှိတဲ့အဆင်တန်ဆာတွေနောက်တကောက်ကောက်လိုက်နေကြ
ငါတို့ဟာ
ငါတို့အတွက်ဆိုပြီး ခေါင်းစဉ်တပ်မရတဲ့အကြောင်းတွေထဲ
တဝေ့လည်လည်ရှင်သန်
အခုလိုနေပူပူရယ်
အခုလိုမိုးသည်းသည်းရယ်
အခုလိုနှင်းထူထူမှာရယ်
ငါတို့ကိုယ်တိုင်
ငါတို့မိသားစု
ငါတို့ပတ်ဝန်းကျင်
အရာရာဦးဆောင်ချင်ပေမယ့်
ငါတို့အတ္တတွေမြှူဆွယ်မှုကိုဘယ်တော့မှမလွန်ဆန်ခဲ့ဘူး
ငါတို့ဆန္ဒများ
ငါတို့အာသီသများ
ငါတို့မနက်ဖြန်များ
ရည်ရွယ်သမျှကိစ္စတွေဟာ
တတ်နိုင်သမျှလီဆယ်ပြဘို့ပဲ
ငါတို့စိတ်ကိုငါတို့မဖုံးကွယ်နိုင်ပေမယ့်
တစ်စုံတစ်ရာအတွက် ကန့်လန့်ကာဖြန့်ဘို့ကြိုးစားမြဲ
အသိတရားရဲ့အတွန့်ခေါက်ရွေ့လျားမှုမှာ
ငါတို့ဟာ
ငါတို့ရဲ့လူ့အဖြစ်ကိုအကောင်းဆုံးဧည့်ခံနိုင်ကြရဲ့လား။
နွေဦးကို။
No comments:
Post a Comment