ဂုဏ်တွေဓနတွေရဲ့ပေါ်ပြူလာခေတ်မှာ
တို့ဝေးဘို့သက်သက်နီးခဲ့ကြတာလား
နှလုံးသားကိုဖြောင့်ချက်ပေးဘို့
ငါ့မရိုးသားခြင်းတွေနားလည်ပေးလှည့်
ငါက အလွမ်းတွေဖို့သိပ်ခံလိုက်ရတဲ့
ခေတ်ပျက်မြစ်တစ်စင်းပါချစ်သူ
မဖြစ်သင့်တော့ပါဘူးဆိုတဲ့အသိနဲ့ အရာရာစွန့်လွှတ်လိုက်ရတဲ့ဆုံးရှုံးမှုတွေ
အတွက်ရင်နှင့်အမျှခံစားနေရဆဲပါ၊ တဒင်္ဂအကြည့်ခြင်းဆုံမှုရဲ့နောက်ကွယ်မှာ
အချစ်တို့ဖြစ်တည်လာမည်မှန်းသိခဲ့ပြီးအဒီအကြည့်တွေလွှဲဖယ်နိုင်ခဲ့ရင်လဲအကောင်းသား ခုတော့အလွမ်းနဲ့အတို့ခံနေရတဲ့နေ့တွေ ဖျက်ဖျက်လူးနာကျင်ညဉ်းငြူလို့ပေါ့.
ကိုမြတ်ရယ် ဘ၀နဲ့ဆန္ဓဆိုတာရေနဲ့မီးလို အမြဲလိုလိုဆန့်ကျင်နေတတ်တာသဘာဝပါ
ဆန္ဒတစ်ခုတည်းအတွက်နဲ့တော့မြတ်နိုးမစွန့်စားရဲတာအမှန်ပါပဲတဲ့ မြတ်နိုးရေ-- အဲဒီလိုမင်းစကားသံတွေကြားရတဲ့အချိန်ကစကောင်းကင်အပြည့်သိမ်းထုပ်ထားခဲ့ရတဲ့
မျှော်လင့်ချက်တွေတစ်စစီပြိုကွဲခဲ့ရပါတယ် အချစ်ဟာဘ၀မဟုတ်သလို ဘ၀ဟာလည်းအချစ်မဟုတ်ဘူးဆိုတာလက္ခံပါတယ် ဒါပေမယ့် မြတ်နိုးရယ်အချစ်ကိုတန်ဖိုး
ထားတတ်တဲ့သူတစ်ယောက်အတွက် အချစ်မပါပဲဘ၀ကိုဖြတ်သန်းဘို့ဆိုတာတိမ်အပြည့်
နဲ့မိုးခေါင်နေတဲ့လွင်ပြင်ပမာပဲဖြစ်လိမ့်မယ်မြတ်နိုး။
ဂုဏ်ဓနတွေနဲ့ဘ၀ကိုတန်းညှိတတ်တဲ့ပတ်ဝန်းကျင်မှာရော ပျော်ရွှင်မှုအစစ်အမှန်ကိုရနိုင်
ရဲ့လားလို့ပြန်မေးလိုက်ချင်ပေမယ့်လျှပ်စစ်မီးအောက်မှာမှပိုပြီးစိမ်းလန်းချင်တဲ့မင်းကို စိတ်
အနှောက်အယှက်ဖြစ်မှာစိုးစိတ်နဲ့မမေးဖြစ်ခဲ့ပါဘူး၊ကိုယ့်မှာဘွဲ့လက်မှတ်တွေမရှိဘူးငွေကြေး
ဓနတွေမရှိဘူးချမ်းသာတာဆိုလို့မင်းကိုချစ်တဲ့စိတ်ရယ်အနုပညာကိုမြတ်နိုးတဲ့စိတ်ရယ်ပဲရှိတယ်
လေ၊မင်းအထင်နဲ့အမြင်မှာတော့ကိုယ်က လေလွင့်ခရီးသည်တစ်ယောက်ထက်ပိုပြီးအထင်ကြီး
လေးစားစရာကောင်းမယ်မထင်ပါဘူး၊ကိုယ့်နှလုံးသားထဲမှာမင်းပုံရိပ်တွေရှိနေတယ် ပြီးတော့လေ
ညှင်တွေရယ်စမ်းချောင်းလေးရယ်ပေါ့၊ဒါပေမယ့်မြတ်နိုးရယ် ထိတွေ့ခွင့်လည်းမရ နမ်းရှိုက်ခွင့်လည်း
မရှိ လေတိုးသံစမ်းရေစီးသံတွေလည်းမရှိတော့တဲ့ အသက်မဲ့ပန်းချီကားတစ်ချပ်လိုပါ၊မင်းနဲ့ပတ်သက်
ခဲ့သမျှ ကြွေကွဲဖွယ်မြင်းကွင်းတွေမှာ ပျော်ရွှင်စရာဆိုလို့ကိုယ်ဘာမှမရခဲ့ပါဘူး၊နေ့စဉ်ဆေးစက်ချအနု
ပညာမှာချစ်တဲ့စိတ်နဲ့အလွမ်းကိုပုံရိပ်ကူးရင်းအိပ်မက်တွေရေမျောကမ်းတင်ဖြစ်ခဲ့ရတယ်၊ခံစားမှုကိုဦး
စားမပေးတတ်တဲ့မင်းဆီးမှာ နားလည်မှုတွေကို ကိုယ်တောင်းဆိုမရယူချင်တော့ပါဘူး၊ မြတ်နိုးရေ--
တစ်ချိန်က မင်းနဲ့အတူကော်ဖီသောက်တဲ့အချိန်လေးတုန်းကပေါ့ အဝေးမှာတောင်နီးနေချင်တဲ့စိတ်ကူး
တွေမင်းကိုပြောပြတဲ့အခါ"ကိုငြိမ်းက အရမ်းစိတ်ကူးယဉ်တာပဲနော် စိတ်ကူးမှာလင်းလက်ရုံနဲ့အာရုံဦးမှာ
ရောင်နီလာမည်လို့ဘယ်သူအာမခံနိုင်မှာလဲ ဘ၀ကိုစိတ်ကူးသက်သက်နဲ့တည်ဆောက်မည်ဆိုရင်
စိတ်ကူးယဉ်ဘ၀ကလွဲလို့ဒီထက်ဘာတွေများပိုပြီးပိုင်ဆိုင်ခွင့်ရနိုင်မှာမို့လဲ အဒီလို မပွင့်တပွင့်အပြုံးလေး
နဲ့ပြောခဲ့တဲ့ မင်းစကားတွေကြားရတဲ့အချိန်ကစ ပြီး ကိုတို့နှစ်ယောက်လဲ နီးလျှက်နဲ့ဝေးခဲ့ကြတယ်
ချစ်သူရေ ကမ္ဘာဦးလူသားတွေမီးကိုတွေ့ရှိတဲ့အချိန်တုန်းက အလင်းနဲ့ပူလောင်ခြင်ဆိုတာဒွန်တွဲတွေ့ရှိ
ခဲ့တယ် ကိုယ့်ကျမှ မင်းနဲ့ရှာဖွေတွေ့ရှိခဲ့တဲ့မီးမှာ လောင်ကြွမ်းစေတာကလွဲရင် ဘာအလင်းမှကပ်ပါမလာ
ဘူး၊
No comments:
Post a Comment